大隻佬MV~

講定先, 首歌真係不知所謂. 如果跟住首歌搵男友一定無行. 首歌根本係唱緊招奴隸, 唔係招男友, 用招親等既字眼簡直係誤導. 雖然, 問心邊個唔會想有個奴隸任努任怨啊. 不過奴隸並唔係伴侶. 其實係以前, 當奴隸仲係好普遍既時候, 做達官貴人既, 如果鍾意左個奴隸, 為表示愛意, 唔單只唔會洗佢地洗到盡, 反而會比佢地更優厚既待遇. 會洗到盡既,都唔方鍾意得去邊.

至於點解我要貼條片出黎呢? 當然係睇大隻佬啦. 不過個兩個四肢發達既都係相貌平平, 傻傻地咁, 都係望下就算. 不過睇黎肌肉男係香港電視上面出現率有增無減. 雖然只係有小角色或者做陪襯, 不過都好過以前大隻佬都只係得黑社會啊, 古惑仔啊.. 個個兇神惡煞, 都好負面. 香港傳媒都仲係好保守, 其他地方好似日本, 韓國, 同台灣都有好多同志劇. 我無追開, 不過影評好似都唔錯. 我個人就更係希望可以有寫實, 有教育性, 可以清除社會對同性戀者既誤解, 同埋最好可以比迷茫中既同性戀青少年少少指導, 有意義既片集啦. 不過香港應該有排都唔會有架啦, 唔抹黑我地已經算好好.